影片
更多
2025-01-30
315 瀏覽
嚟到尖沙咀想搵個地方同朋友督下波食下野，可以嚟Gulu感受下呢度嘅氣氛#秘汁烤焗豬頸肉 $78呢個豬頸肉係新出嘅，本身我就好鍾意食豬頸肉，所以就叫咗一個嚟試吓，食落去甜甜地，搽咗好多蜜糖，對於鍾意食甜嘢嘅，我嚟講都幾鍾意#煙三文魚沙律 $98煙三文魚沙律就不過不失，沙律啲醬汁可以再多番少少，因為食落去只係得草青味，如果落多少少醋落去會好好多，不過以煙三文魚嘅份量嚟講都幾多#避風塘魷魚鬚 $88同朋友傾偈點可以唔叫啲惹味嘅小食，我哋就叫咗個炸魷魚鬚，食落去有少少辣，味道上係唔錯嘅，只係啲魷魚鬚有啲硬，幾有𡁻口，如果唔炸咁耐可能會好啲#西班牙辣肉腸pizza $128呢個Pizza份量十足，上面嘅辣肉腸同埋芝士都幾多，性價比嚟講都唔錯其實以呢一間可以同朋友篤吓波吹吓水嘅地方嚟講，氣氛係唔錯嘅，而且都坐得舒服，只係因為所有食物佢係等齊晒先一次過上，所以有啲嘢食嚟到已經凍晒，就好似個Pizza咁，如果係啱啱焗好熱辣辣咁上嚟就可以完美做到拉絲嘅效果，可惜嚟到已經凍冰冰，味道大減
嚟到尖沙咀想搵個地方同朋友督下波食下野，可以嚟Gulu感受下呢度嘅氣氛
#秘汁烤焗豬頸肉 $78
呢個豬頸肉係新出嘅，本身我就好鍾意食豬頸肉，所以就叫咗一個嚟試吓，食落去甜甜地，搽咗好多蜜糖，對於鍾意食甜嘢嘅，我嚟講都幾鍾意
#煙三文魚沙律 $98
煙三文魚沙律就不過不失，沙律啲醬汁可以再多番少少，因為食落去只係得草青味，如果落多少少醋落去會好好多，不過以煙三文魚嘅份量嚟講都幾多
#避風塘魷魚鬚 $88
同朋友傾偈點可以唔叫啲惹味嘅小食，我哋就叫咗個炸魷魚鬚，食落去有少少辣，味道上係唔錯嘅，只係啲魷魚鬚有啲硬，幾有𡁻口，如果唔炸咁耐可能會好啲
#西班牙辣肉腸pizza $128
呢個Pizza份量十足，上面嘅辣肉腸同埋芝士都幾多，性價比嚟講都唔錯
其實以呢一間可以同朋友篤吓波吹吓水嘅地方嚟講，氣氛係唔錯嘅，而且都坐得舒服，只係因為所有食物佢係等齊晒先一次過上，所以有啲嘢食嚟到已經凍晒，就好似個Pizza咁，如果係啱啱焗好熱辣辣咁上嚟就可以完美做到拉絲嘅效果，可惜嚟到已經凍冰冰，味道大減
張貼
