影片
更多
2021-04-07
131 瀏覽
終於嚟朝聖呢間人氣梳乎厘店。雖然位於油麻地一條比較偏僻嘅小巷，但新潮既店面風格，設計似流動車，而且門面周圍大大幅貼滿哂自家梳乎厘既圖，容易一眼望到。落咗order後，職員話通常要等8分鐘，因為即叫即做。做好後會嗌單號number，通常拎咗之後即食，但呢間不設座位，要企住食，好彩附近有空曠既位置。但放心雖然企住食，但佢地既食物好味到唔洗幾分鐘食哂，唔洗企好耐😂我估呢間梳乎厘吸引之處在於味道上選擇，有勁多都係邪惡嘅口味😈 見到menu，每一款既班戟口味都好想試🤤佢地有將唔同口味作排名。見到頭3名係炎燒布丁、奶黃流心、特濃朱古力香蕉，因為3款口感都係我最愛❤️好難揀，所以最後揀咗Top1既炎燒布丁試下先。其實可以選擇加$10配上雪糕一齊食，但我就打算先試試梳乎厘。其實食落先明白點解咁好評，因為梳乎厘口感實在太軟太綿，空氣感重，就似入口即化既感覺。再配上佢既招牌炎燒布丁，味道類似卡士達口味🤔，食落同班戟味道非常夾，而且面頭有層焦糖非常脆身，可以增加整體口感。一份兩件要$50，size略為細件咗啲，因為份量唔多，而且太好味既關係下，誇張啲講我9秒9食哂🙈食完真心完全唔夠喉。我心諗千祈唔好同人sha
落咗order後，職員話通常要等8分鐘，因為即叫即做。做好後會嗌單號number，通常拎咗之後即食，但呢間不設座位，要企住食，好彩附近有空曠既位置。但放心雖然企住食，但佢地既食物好味到唔洗幾分鐘食哂，唔洗企好耐😂
我估呢間梳乎厘吸引之處在於味道上選擇，有勁多都係邪惡嘅口味😈 見到menu，每一款既班戟口味都好想試🤤佢地有將唔同口味作排名。見到頭3名係炎燒布丁、奶黃流心、特濃朱古力香蕉，因為3款口感都係我最愛❤️好難揀，所以最後揀咗Top1既炎燒布丁試下先。其實可以選擇加$10配上雪糕一齊食，但我就打算先試試梳乎厘。
其實食落先明白點解咁好評，因為梳乎厘口感實在太軟太綿，空氣感重，就似入口即化既感覺。再配上佢既招牌炎燒布丁，味道類似卡士達口味🤔，食落同班戟味道非常夾，而且面頭有層焦糖非常脆身，可以增加整體口感。
一份兩件要$50，size略為細件咗啲，因為份量唔多，而且太好味既關係下，誇張啲講我9秒9食哂🙈食完真心完全唔夠喉。我心諗千祈唔好同人share一份，自己都唔夠食仲要同人分，實會打架😂
整體嚟講，超水準發揮！比我預期更好食，翻兜率100%。但小缺點就係梳乎厘size太細件，醬較多，希望店家可以整大件啲塊梳乎厘🤤咁就更加抵食啦☺️ 雖然叫梳乎厘，但做到成件班戟咁，我都當佢係班戟啦😂老實講，質素比起好多日本過江龍既班戟味道好好多，所以想平平地食梳乎厘，唔係食環境，呢間絕對推薦！👍🏻
呢間除咗梳乎厘出名，佢地有款牛角包窩夫都係人氣之一，口味選擇同班戟差唔多，賣相同班戟一樣咁吸引😍。下次有機會再嚟一定試下。
炎燒布丁梳乎厘
$50
12 瀏覽
0 讚好
0 留言
張貼
