小胖台灣便當 (德立大廈)

營業中

休息中

去親尖沙咀行街都會想食小胖！平靚正仲可以儲積分換優惠券，抵食過好多商場或街鋪餐廳我哋叫咗兩個便當share，台灣古早味烤豬肉便當，豬肉薄身但份量好多，甜甜地勁多汁。另一個係士林鹽酥大雞腿便當，新鮮即炸要稍等一陣，店員會送埋過嚟，肉厚多汁皮脆肉嫩，真係好有夜市風味☺️飲品方面叫咗日月潭檸檬紅茶同熱金橘檸檬茶，都係好台灣風嘅茶飲，配便當好夾👍🏻今次我哋都幾肚餓仲叫埋刈包，我哋兩個都勁鍾意豬腩肉😽 落單前店員都會講清楚豬嗰個會有芫荽係咪OK，豬腩油香滲入包同配菜裏面，係無可匹敵嘅台灣風味☺️