阿木台灣麵 (豉油街)

營業中

休息中

本身約好咗同朋友一齊飛一轉台灣，可惜臨時朋友話屋企有事去唔到，於是就決定將呢個旅行延期，不過始終心入面都真係好掛住台灣嘢食，所以今日特登過咗去豉油街嗰邊食台灣嘢，呢間之前都嚟過，覺得味道好正宗，而且覺得呢度都坐得幾舒服，店員亦都好有禮貌，感覺好溫馨，今次嚟到嘅體驗都一樣咁好。我哋一共叫咗三樣嘢，第一樣就係玉米雞蛋，呢個當係小食咁樣，每人食少少，真係好過癮。個卷入邊超多玉米，加埋醬汁一齊食，真係好正 ！麵食方面，我哋就叫咗一個麻辣牛肉麵同一個番茄牛肉面。呢個味道真係似足喺台灣食到嘅，啲麵夠煙靭，湯底亦都濃郁，但係又唔會太油真係食完之後都覺得想再叫多一碗，可惜個肚真係裝唔落咁多嘢食 ！