影片
更多
2022-04-11
39 瀏覽
因為好耐無打過邊爐，趁天氣唔係太熱一於去過下癮，打開openrice search 火鍋，見到尚膳有得訂座而且有折，位置係旺角亦都十分方便，一於去試下。尚膳係食台式養生火鍋，去到店内環境寬敞，乾淨，裝修新淨。食材質素都唔錯，分量大，新鮮，亦都有好多唔同種類選擇。我今次叫左尚膳養顏美人鍋，美人鍋因為有多種養生配料，好有份量嘅紅棗，杞子，桃膠，同一隻烏雞，店員介紹說要先喝湯同食烏雞滋補一下再打邊爐，就潤而不橾了，值得一提係烏雞雖然用黎煲左湯，但肉質仍然好滑，細食之人相信淨係食烏雞都飽左一半。另外值得一讚係佢地嘅手切牛肉，份量大，牛肉新鮮，肥瘦適中，所以食落好有咬口，肉質鮮嫩，牛肉味濃。佢地嘅手工丸類同樣出色，食得出真材實料。特別一提黑松露蝦丸！因為本人係黑松露愛好者，依隻蝦丸蝦肉爽口彈牙之餘，夠晒黑松露味，必試啊！！
尚膳係食台式養生火鍋，去到店内環境寬敞，乾淨，裝修新淨。
食材質素都唔錯，分量大，新鮮，亦都有好多唔同種類選擇。
我今次叫左尚膳養顏美人鍋，美人鍋因為有多種養生配料，好有份量嘅紅棗，杞子，桃膠，同一隻烏雞，店員介紹說要先喝湯同食烏雞滋補一下再打邊爐，就潤而不橾了，值得一提係烏雞雖然用黎煲左湯，但肉質仍然好滑，細食之人相信淨係食烏雞都飽左一半。
另外值得一讚係佢地嘅手切牛肉，份量大，牛肉新鮮，肥瘦適中，所以食落好有咬口，肉質鮮嫩，牛肉味濃。
佢地嘅手工丸類同樣出色，食得出真材實料。
特別一提黑松露蝦丸！因為本人係黑松露愛好者，依隻蝦丸蝦肉爽口彈牙之餘，夠晒黑松露味，必試啊！！
7 瀏覽
0 讚好
0 留言
張貼
