阿杏飯團 (東海商業中心)

營業中

休息中

幾乎個個星期六都會嚟附近等個女落堂，成日經過呢間飯團舖，總有幾個人等緊嘢食，今日餓餓地就試吓啦。平時行過冇留意，以為淨係可以外賣，原來入面有張bar枱，可以堂食，仲佈置左棵櫻花，幾有風味。飯團有好多口味可以選擇，有素飯團，芝士飯團，鹹蛋飯團，海鮮飯團，啖啖肉飯團。我要左推介嘅金沙鹹蛋飯團同新宿燒汁牛扒飯團。金沙鹹蛋飯團真係好多鹹蛋，鐘意食鹹蛋嘅唔可以錯過。新宿燒汁牛扒飯團都好多餡，除左牛扒仲有肉鬆，菜圃，生菜，仲有啲脆脆，口感好豐富。另外仲有好多款台式飲品，我要左黑糖珍珠奶茶同椰果四季春都幾好味。