桂花小幸 (元朗廣場)

營業中

休息中

今日係元朗踩完單車，順便係呢頭搵野食! 去左間台式餐廳~ 食物選擇多，特別係野飲選擇都好多!! 簡左好耐呀! 主食叫左紅燒牛三寶米線 (牛筋 ,牛腩 ,牛肚)原來係勁大碗! 而且好足料，牛筋同牛肚都好乾淨，唔會有異味。牛腩好入味，而且好軟淋，好食~ 湯頭帶少少甜，幾唔錯!叫左蜂蜜檸檬蘆薈，原來都咁大杯，咬到粒粒蘆薈! 好清涼解渴。之前去台灣都冇食過麻油雞飯，就係呢到叫左。麻油味好香，仲帶少少酒味。見到入面有紅棗等等，感覺都好補身，食完個人暖笠笠。再配埋熱桂圓蘆薈菊花茶，成個感覺好養生，而且唔會太甜，好好飲。