好呷台灣火鍋

Bookmark左呢間台式火鍋好耐，見介紹有好多嘢食選擇，不過d 評論就好壞參半，終於搵到機會試試佢。 平日嘅晏晝同朋友黎食，揀左中等2號 探部落。食台東 套餐。可能因為時間尚早，舖頭唔係好多人，仲坐到個大卡位。同樣部份食物或者肉類都係用QR code 落單，上菜快手。舖頭環境乾淨企理，拎嘢食嘅區域大，熟食同火鍋配料分開左兩個區攞放，拎野食唔會逼。

食完覺得佢晚市定價比較高，但食物既水準都叫有保證，而且選擇都多。建議晏就比較抵。

2

想食清d ，所以揀咗椰子雞湯底。上枱嘅時候都有椰子香味，飲落都好清，唔會好油。

1

套餐除了有Basic肉，仲有封門柳。肉嘅質素比想像中好，肉質都幼嫩，唔會話好難咬。個人覺得如果女仔食得唔多，叫level 2 已經好夠食，同埋價錢黎講性價比會高d

有多款嘅台式小食供應，每樣攞少少都已經食飽咗😹 同埋嘢食都保持到熱度（可能因為晏就早去，啱啱新鮮準備）。作為鍾意食台式小食、芋泥嘅愛好者，覺得d 小食做得都出色。