八拾台式火鍋前身係一間串燒店，最近竟然靜靜雞變咗做一間火鍋店，所以今次行過都想去試一試🤫 依間唔係平時去開大集團開嘅餐廳，所以反而有種家庭式嘅感覺。入邊雖然唔大，但睇得出店主花咗唔少心機去做裝飾，整體上望落都好乾淨👍🏻
.
.
任食火鍋平日每位$268加一，比起平時火鍋店嘅價錢平少少。食物種類都幾多樣化，而且樣樣新鮮🤓 湯底有6️⃣款選擇，加$38就可以有埋鴛鴦鍋🖤🤍 我就揀咗麻辣湯同埋芫荽皮蛋湯。肉類方面有牛🐮豬🐷雞🐔羊🐑 ，海鮮方面有花甲、大蝦🦐 同生蠔🦪。重有多款前菜、串燒、炸物、生果、甜品包括雪糕。飲品方面都唔輸蝕，甜嘅、無糖嘅、啤酒🍻、清酒🍶，真係多到數唔晒🫢 重要比成兩個鐘你去食，呢個價錢真係性價比極高🤩
