茶木‧台式休閒餐廳 (屯門市廣場1期)

營業中

休息中

#ftf_屯門台味十足睇得又食得 主食甜品一樣掂 你要為茶木淨係食吐司磚？咁就大錯特錯啦~晚市二人餐超抵食，$258包兩個小食、主食、飲品，仲有得以優惠價加甜品同埋升級飲品，而且每種食物味道都絕頂！最後加埋甜品，真係大快朵頤！晚市二人餐 $258⭐️⭐️⭐️⭐️⭐️黃金鹽酥雞 （半份）⭐️⭐️⭐️⭐️酥脆香口，正常發揮，分量多！蒜香 麻辣豬耳朵(半份）⭐️⭐️⭐️爽脆，但唔夠香，唔係話太辣。櫻花蝦魚湯浸娃娃菜(半份) +$2⭐️⭐️⭐️⭐️意料之內嘅味道，個湯夠鮮甜，配娃娃菜簡直冇得頂。紅油抄手(半份）（辣）+$20⭐️⭐️⭐️⭐️⭐️醬汁調配惹味又香濃，鹹淡適中，餡料份量足！加咗兩碟小食，最欣賞呢一碟！烏魚子元貝手作麵⭐️⭐️⭐️⭐️⭐️麵質彈牙又掛汁，醬汁忌廉味香濃順滑但唔膩，配料有大量香菇、豌豆、蕃茄仔同椰菜仔，美味絕頂！極推介！不過元貝有啲over cooked。台式麻辣半筋半肉手工拌麵⭐️⭐️⭐️⭐️牛腩同牛筋超軟腍，鴨血同素鴨味道同樣出色，仲配有糖心蛋，拌麵乾濕到乾好，有口感！金萱鮮芒果奶蓋 +$17⭐️⭐️⭐️⭐️⭐️大大杯，勁抵飲！芒果沙冰做底，幼滑香甜，奶蓋帶點鹹味，夠厚身，上邊仲有夠大芒果，睇得又飲得！四季青萱鮮果茶 +$21⭐️⭐️⭐️⭐️