爆丼屋 (已搬遷) 新店位置

只係排隊攞籌已經一流服務，見有有人攞住籌，就行埋去櫃檯攞籌啦(當時櫃檯無人)，行到埋去櫃檯有個著住應該係經理衫嘅亞叔，見佢行埋嚟就同佢講3位，佢完全無理我，佢就叫1號籌就帶埋位，佢帶完位出嚟，我再同佢講3位，都係一樣無理，佢就叫2同3號籌，再帶埋位就返出嚟問幾位，佢比咗張5號籌3位我，就叫我等等，好快執好枱有位，(當時門口只有一個係到等外賣嘅客人)，咁當然就等啦！到等咗15分鐘，佢又出嚟叫有無2位或者3位？當時有幾家人係到，開始個個就就攞張籌出嚟，嗰位亞叔無睇號碼就帶咗一家3口入去，跟住就有人問究竟應該係邊個先，我就見到嗰個人攞住3號籌，嗰亞叔就問佢職員嗰籌幾時寫，個職員話啱啱寫，但嗰亞叔就話比佢入先，理由係佢抱住小朋友，咁即係唔駛派籌啦！最後當然係無入去食啦！因為我唔會知未到我入去嘅呢段時間仲有幾多個手抱小朋友嘅人嚟排隊。