Cakebearbear (已結業)

原來係北角有一間隱蔽嘅打卡餐廳，滿滿嘅少女心，粉色系嘅餐廳，入面有大大小小嘅 Bear Bear 熊，真係大人小朋友入到嚟都充滿童心❤️🌟 日式原條蒲式鰻魚飯 （珍珠米)超大條原條鰻魚鋪喺飯上，lunch set 嚟講份量唔細，鰻魚外脆，厚肉彈牙，配埋鰻魚汁及珍珠米，仲有沙律菜及黃蘿蔔！🌟 黑松露忌廉蘑菇帆立貝意粉濃郁嘅黑松露，配上幼滑嘅忌廉汁，仲有蘑菇及大大的帆立貝，好滿足！🌟 千語星晨飲品方面，Lunch Set 可以加錢轉特飲！呢杯由蝶豆花、橙汁、菠蘿汁而成嘅特飲，仲有 bear bear 熊造型嘅冰，好吸晴🥰🌟 夢幻 Fantasy呢杯喺由白桃、乳酸、藍桔梳打而成嘅特飲，上層係藍色，下層係粉紅色，味道酸酸甜甜，仲有清爽嘅梳打，很解渴！🌟 芝士慕絲熊仔蛋糕趴喺度嘅熊仔造型，可愛得令人唔捨得食，你會食頭先定身先呢？香濃嘅芝士味嘅慕絲蛋糕，芝士味重，口感幼滑，每啖都令人回味！