Seoulmate (MONTEREY Place)

營業中

休息中

呢間餐廳真係好適合親子或同寵物嚟，佈置超可愛又顏色繽紛，一入到去已經有一種好開心嘅感覺。餐牌上有好多特色嘅食物。🐰小兔仔。金箔蕃茄芝士午餐肉西炒飯🍚外型已經非常可愛，外面用蛋白包住小朋友最鍾意食嘅蕃茄芝士細炒飯，酸咪咪又開胃，又睇得又食得。🌋 烏卒卒煙霧離漫火山 章魚明太子炒飯呢個紫菜整到嬲爆爆嘅火山樣，實在太可愛、特別，打卡一流❣️仲要送來嘅時候有煙霧嘅效果，小朋友一定興奮到尖叫🤣而且有少少微辣好好食🤤 🍘醬油烤年糕腸仔串開頭以為好超普通，點知一食原來年糕勁煙靭，腸仔又煎得好香，加埋好惹味嘅醬汁，我同細佬都搶着嚟食😝🍇🍓韓國雜莓奶蓋瀑布奶油蛋糕配雪糕🍧呢個係專登點俾媽媽食嘅，因為媽咪好鍾意雜莓同粉紅色🫶🏻最開心係可以自己掹開個膠膜，奶蓋可以瀑布咁流出嚟，感覺超過癮👻🥭芒果奶昔奶蓋雪山🗻奶蓋勁厚，又香甜又滑，唔會太甜 🍫法國72%朱古力鮮奶鍾意特濃朱古力嘅朋友先好叫，因為會有少少苦澀味，如果鍾意飲甜嘅朋友就叫奶蓋可能會開心啲。