影片
更多
2023-05-08
19 瀏覽
週年紀念日，一定要食餐好嘅紀念一下💕大落地玻璃可以眺望維港無敵海景，由天光到天黑，日落到夜景，真係好靚呀😍用餐環境舒服，幾位師傅都好nice，氣氛熱鬧，令人感覺愉快～🔸 宴ᴅɪɴɴᴇʀ sᴘᴇᴄɪᴀʟ sᴇᴛ 12道菜 $1380▫️季節前菜(2 款）富山瑩光魷魚鮮甜爽口，配搭非常少見而蛋白質又豐富嘅鯛魚卵巢，口感好幼滑，唔會有腥味，好特別！汁煮黑梅貝，肉質彈牙爽口，辣辣地，特別開胃！▫️日本生蠔北海道仙鳳趾生蠔🦪配上三文魚籽及柚子啫喱，食落特別鮮甜濃郁，肉身肥厚又嫩滑😋▫️季節刺身（3款)分別係真鯛、深海池魚及吞拿魚腩😍真鯛加咗少少鹽去調味，食落更鮮甜，肉質柔韌有彈性！深海池魚，肉質鮮嫩肥美，脂厚油香，十分好食😋吞拿魚腩，魚油充足，滿口甘香🫶🏻▫️燒右口魚邊身金槍魚腩手卷油香十足嘅燒右口魚邊，加上口感綿滑、油脂豐富嘅金槍魚魚蓉，再配上超級香脆嘅紫菜，十分滋味！▫️沙巴虎蝦虎蝦好大隻，加咗牛油封煎，肉質彈牙，味道鮮甜濃郁，點埋個特製蝦膏醬就更好味😋▫️北海道帆立貝帆立貝表面煎至金黃色，配上三文魚籽及海菜湯😍帆立貝質感好幼嫩，味道特別鮮甜濃郁，最後要飲埋海菜湯，呢個配搭好出色！▫️香煎鵝肝伴藍莓醬外脆
大落地玻璃可以眺望維港無敵海景，由天光到天黑，日落到夜景，真係好靚呀😍
用餐環境舒服，幾位師傅都好nice，氣氛熱鬧，令人感覺愉快～🔸 宴ᴅɪɴɴᴇʀ sᴘᴇᴄɪᴀʟ sᴇᴛ 12道菜 $1380
▫️季節前菜(2 款）
富山瑩光魷魚鮮甜爽口，配搭非常少見而蛋白質又豐富嘅鯛魚卵巢，口感好幼滑，唔會有腥味，好特別！汁煮黑梅貝，肉質彈牙爽口，辣辣地，特別開胃！
▫️日本生蠔
北海道仙鳳趾生蠔🦪配上三文魚籽及柚子啫喱，食落特別鮮甜濃郁，肉身肥厚又嫩滑😋
▫️季節刺身（3款)
分別係真鯛、深海池魚及吞拿魚腩😍真鯛加咗少少鹽去調味，食落更鮮甜，肉質柔韌有彈性！深海池魚，肉質鮮嫩肥美，脂厚油香，十分好食😋吞拿魚腩，魚油充足，滿口甘香🫶🏻
▫️燒右口魚邊身金槍魚腩手卷
油香十足嘅燒右口魚邊，加上口感綿滑、油脂豐富嘅金槍魚魚蓉，再配上超級香脆嘅紫菜，十分滋味！
▫️沙巴虎蝦
虎蝦好大隻，加咗牛油封煎，肉質彈牙，味道鮮甜濃郁，點埋個特製蝦膏醬就更好味😋
▫️北海道帆立貝
帆立貝表面煎至金黃色，配上三文魚籽及海菜湯😍帆立貝質感好幼嫩，味道特別鮮甜濃郁，最後要飲埋海菜湯，呢個配搭好出色！
▫️香煎鵝肝伴藍莓醬
外脆內嫩鵝肝，配上香脆嘅多士及酸甜解膩嘅藍莓醬，入口即化，十分邪惡😋
▫️美國牛柳
可選薄切或厚切，薄切卷住滿滿嘅蔥花蒜片，香氣撲鼻，特別好食！厚切牛味充足，有口感！就連個洋蔥沙律都好好食😋
▫️黑松露蟹肉炒飯
炒飯粒粒金黃，配上大量嘅蟹肉及黑松露，食落特別香
▫️季節吸物
係淮山魚湯，好夠熱，味道濃郁，好暖胃
▫️炒什菜
正常發揮，師傅仲加咗少少特製醬汁俾我撈埋食，辣辣地，好惹味！
海鹽雪糕，咸咸地幾特別，牛奶味濃郁～
自家製抹茶布甸，味道濃郁，質感幼滑！黃豆粉蕨餅可以點少少黑糖漿都好唔錯哦
張貼
