籠太子點心專門店 (已結業)

係太子食過呢間點心店，今次試下筲箕灣店。環境好過太子分店，闊落啲新淨啲，不過食物方面好似就太子店好味啲啦。 籠太子蝦餃皇 $16@2鮮蝦燒賣皇 16@2兩樣都正正常常，無咩特別，燒賣幾好味，蝦餃真材實料。 多汁蟹籽小籠包 $26小籠包唔夠熱，有啲失望🥲，無湯汁，皮少少厚，上次係太子店食既熱辣辣又有湯汁，正好多🙁 海皇芝士千絲卷 $28千絲卷有啲普通，唔係太食到芝士味，同埋好易食到好污糟，唔太推薦🥲 不是炸兩 $28呢碟好出色，油炸鬼入面仲有蝦做餡料，油炸鬼夠脆，包埋腸粉皮再蘸埋甜豉油真係絕配！ 蒜香蝦春卷 $25炸得幾香脆，內餡幾香口，蘸埋醋食唔錯👍🏻👍🏻