麻甩爐海鮮雞煲私房菜 (安樂樓 (已結業)

最近on diet，做完運動要補充多啲蛋白質，食雞同海鮮就最好🐔🐔而呢間兩樣都有。呢間麻甩爐係大埔好出名，佢可以任食3小時，除左雞煲可以任添，仲有炸物、邊爐配料、飲料。前菜要花凍蟹、翡翠螺，凍蟹多膏爆肉。雞煲可選招牌麻甩、藥膳醉雞、蟲草花雞、花膠雞。我哋今次叫左個藥膳醉雞補補佢，湯底料勁多藥材，煲極都好濃味，雞嫩滑多肉，索晒湯底味。炸物包括：炸蝦、榴槤炸彈、芝士年糕、章魚小丸子、炸雞翼等。。。岩晒一邊傾計一邊飲野火鍋配料必食頂級牛板腱！！老闆話最近試新品種，係澳洲和牛牛板腱，食落夠厚身肉味濃軟腍，真係好好食🤤！另外仲有脆鯇魚腩任食，魚皮都好脆口。整體黎講，呢個價錢真係好抵食，回頭率極高，冬天會再黎。