友義氣‧酸菜魚 (小炒打冷)

營業中

休息中

同朋友過嚟食飯吹水。見有兩人套餐，都好低。叫咗個酸菜魚，口水雞，鮮果咕嚕肉。佢嘅招牌菜酸菜魚都真係算幾好食😋。魚肉够嫩滑冇骨，但欠缺魚味，如果魚味濃仲正。湯都好够味，同埋佢可以俾你揀辣度，叫咗中辣，酸辣適中，啱晒食辣嘅人。除了酸菜魚之外，餐廳嘅小炒都好出色。鮮果咕嚕肉，份量唔少，最正真係有新鮮波籮伴碟。咕嚕肉炸得啱啱好，裡面都好有肉汁，好嫩，個汁都好啱口味唔太酸，好有驚喜。呢個大推薦👍🏻👍🏻。至於口水雞就都係正常水平，但係好鐘意佢嘅花生好脆同埋唔油。餐廳的裝潢都算乾淨企理。餐廳的員工好好人，成個場都好忙，見我哋自拍，都話幫我哋影相。仲有要讚下呢間出菜好快，如果好肚餓去食都唔使怕等好耐。如果經過呢頭想試試酸菜魚，呢間會是一個非常好的選擇。我會幾推薦呢間餐廳，佢價錢合理，食物水準都算高。下次嚟一定要試下其小炒。