哦吧OPPA & POCHA

營業中

休息中

Item: 哦吧OPPA & POCHA
Rating: 3
Author: bettytong17

4.5

161 食評

味道

環境

服務

衛生

抵食

1789

元朗

$101-200

韓國菜烤肉韓燒

146

bettytong17

等級3

見好多食評，又多人讚就諗住去試吓啦！之前睇過假期都有午餐，放假成條街都有啲靜，去到直程冇乜人，不過之後就多番少少人，但係都算少。地方都幾大，坐得都幾舒服嘅，環境同差衛生都唔差，叫咗個牛肉雜錦石鍋飯，特大牛骨湯飯同原味炸雞，嘢飲叫咗可樂同埋梨汁。罐裝飲品，梨汁都算好飲，首先上特大牛骨湯飯，真係冇改錯名，牛骨真係「大」，但話俾你聽其實係冇乜肉，數落得四嚿肉，仲要唔大嚿，$108貴囉！🙄粉絲超少，另外幾條蛋絲又幼又少，呢啲成本唔多，好心你落多少少啦，咁孤寒。😑石鍋飯正常冇乜特別驚喜，都有啲飯焦，不過啲牛肉都係少，冇諗住特「大」牛骨湯啲肉少得咁緊要，所以唔夠飽，最終要叫多個炸雞，炸雞熱辣辣炸得好食嘅，不過有兩嚿其實就冇乜肉嘅，見之前有人話得啲炸粉冇乜肉其實真係囉！三款前菜唔錯，特別個泡菜幾好食，叫炸雞嘅時候以為都會有三款小菜，點知佢話冇，只會跟蘿蔔，咁我哋同佢講可唔可以唔要蘿蔔轉泡菜，另外可唔可以俾多少少份量。佢有同我轉，但係佢同我講，基本上係唔得㗎，今次特別做俾你。整體水準合格，但係唔係話特別好食，特別牛骨湯咁嘅份量有少少貴，同佢講佢仲話午餐係咁嘅份量，所以未必再去。喺另外一個平台分享，有

見好多食評，又多人讚就諗住去試吓啦！

之前睇過假期都有午餐，放假成條街都有啲靜，去到直程冇乜人，不過之後就多番少少人，但係都算少。地方都幾大，坐得都幾舒服嘅，環境同差衛生都唔差，叫咗個牛肉雜錦石鍋飯，特大牛骨湯飯同原味炸雞，嘢飲叫咗可樂同埋梨汁。罐裝飲品，梨汁都算好飲，首先上特大牛骨湯飯，真係冇改錯名，牛骨真係「大」，但話俾你聽其實係冇乜肉，數落得四嚿肉，仲要唔大嚿，$108貴囉！🙄粉絲超少，另外幾條蛋絲又幼又少，呢啲成本唔多，好心你落多少少啦，咁孤寒。😑石鍋飯正常冇乜特別驚喜，都有啲飯焦，不過啲牛肉都係少，冇諗住特「大」牛骨湯啲肉少得咁緊要，所以唔夠飽，最終要叫多個炸雞，炸雞熱辣辣炸得好食嘅，不過有兩嚿其實就冇乜肉嘅，見之前有人話得啲炸粉冇乜肉其實真係囉！

三款前菜唔錯，特別個泡菜幾好食，叫炸雞嘅時候以為都會有三款小菜，點知佢話冇，只會跟蘿蔔，咁我哋同佢講可唔可以唔要蘿蔔轉泡菜，另外可唔可以俾多少少份量。佢有同我轉，但係佢同我講，基本上係唔得㗎，今次特別做俾你。整體水準合格，但係唔係話特別好食，特別牛骨湯咁嘅份量有少少貴，同佢講佢仲話午餐係咁嘅份量，所以未必再去。

喺另外一個平台分享，有人講食部隊鍋中伏，價錢貴之餘連個韓國麵都唔包要加錢，冇主食剩係得腸仔同餐肉好搵笨，咁我今次試咗嘅嘢始終唔多又冇食過佢嘅燒肉嗰啲，所以可能講得唔夠全面，不過今次嘅經驗我亦都唔會再去試㗎啦，燒肉都唔會試，因為睇過價錢都唔平，唔明點解咁多人話正。

YOHO以前地下有間韓國嘢午餐好抵食，佢個類似嘅牛骨份量多好多，啲肉好夠，食得好滿足，價錢起碼最少平$20，不過已執幾年，但午餐有買三送一，抵食嘅。