影片
更多
2022-06-02
146 瀏覽
今次介紹嘅呢間甜品店有幾間分店。之前疫情爆發時經過幾次荃灣分店，都係只見小貓兩三隻，相信佢地應該都撐得好辛苦。4月尾開返晚市後，就同朋友一齊去支持下佢地。 上次試過椰皇蛋白系列後，覺得好正，今次特登推介朋友一定要試下，最後我哋揀左2個中式甜品，落完單等大約10 分鐘就有得食喇！******************************椰皇蛋白蓮子燉雪燕 ($58)一個小小椰皇，裡面裝咗好多材料，絕對滿足到為食一族😉 椰汁好香，有香滑嘅燉蛋白，加上原粒蓮子同埋一絲絲嘅雪燕，食完蛋白仲可以刮埋啲椰皇肉食，2個人share食完都真心飽。呢個甜品一入口感覺就特別養生，滿足食慾之餘仲可以養埋顏，抵啦😈紅豆牛乳芋圓 ($38) 裡面有紅豆、西米粒、芋圓同蕃薯圓。相比起個椰皇，呢一個甜品明顯感覺“空洞”好多，除咗西米比較多，紅豆同芋圓份量都唔係太多。(圖中果一匙已經盡咗力-_-) 芋圓同蕃薯圓都比較淋身，唔係太好咬口，如果鐘意Q彈嘅口感，食完會有少少失望。******************************小結：有良知嘅小店值得支持🥰 推介小方糖嘅椰皇燉蛋白系列，如果天氣涼嘅時候食會更加正
上次試過椰皇蛋白系列後，覺得好正，今次特登推介朋友一定要試下，最後我哋揀左2個中式甜品，落完單等大約10 分鐘就有得食喇！
******************************
椰皇蛋白蓮子燉雪燕 ($58)
一個小小椰皇，裡面裝咗好多材料，絕對滿足到為食一族😉 椰汁好香，有香滑嘅燉蛋白，加上原粒蓮子同埋一絲絲嘅雪燕，食完蛋白仲可以刮埋啲椰皇肉食，2個人share食完都真心飽。呢個甜品一入口感覺就特別養生，滿足食慾之餘仲可以養埋顏，抵啦😈
紅豆牛乳芋圓 ($38)
裡面有紅豆、西米粒、芋圓同蕃薯圓。相比起個椰皇，呢一個甜品明顯感覺“空洞”好多，除咗西米比較多，紅豆同芋圓份量都唔係太多。(圖中果一匙已經盡咗力-_-) 芋圓同蕃薯圓都比較淋身，唔係太好咬口，如果鐘意Q彈嘅口感，食完會有少少失望。
******************************
小結：
有良知嘅小店值得支持🥰 推介小方糖嘅椰皇燉蛋白系列，如果天氣涼嘅時候食會更加正。明白疫情可能大大打擊小店，希望佢哋可以捱過難關，再好好提昇返質素💪🏻
💛小方糖甜品(荃灣)
📍荃灣海壩街83-85號地下A舖
為食指數：7/10
性價比：7/10
環境舒適度：6.5/10
張貼