老闆娘雲南米線

營業中

休息中

米線舖咁多，我比較中意老闆娘既湯底，唔中意食大型連鎖店。星期六大約六點到，落雨，唔駛排到出去，之前係排到轉左個圈，今日姐係少左人等。出名既炸雞球、炸豬扒個d都食左好多次，其實又唔係真係好特別，今次叫左鯪魚球，係我朋友想食，正常。會令到我再黎既係個酸辣湯底，有層次既辣，酸又係岩岩好，真係做到酸辣，唔會話其中一方特別突出。餸就揀左牛腩，唔太腍。d芽菜、肉碎就好少，我記得以前係多d。蟲草花薑酒配雞米線，今次既湯底好淡，唔重酒味，之前濃d，所以今次唔係好滿足。*如果你想食銀針粉既真係唔建議你黎，因為成日好快就賣哂。