潮薈館

營業中

休息中

去親九龍城大家都會諗到係食泰國菜，原來有好正嘅潮州菜食！潮薈館位於福佬村道，裝潢十分古色古香，想像唔到會係食潮州菜，好耐冇食喇。滷水鵝片絕對係經典潮州菜式🦆鵝片啖啖肉，同鵝皮完美融合，沾上潮式醬汁酸酸甜甜頗開胃。底部有豆腐，豆味香濃。另外都叫咗份滷水豆腐，豆腐同樣豆味香濃，滷水使得豆腐更入味。汕頭蠔仔洛即大家統稱嘅蠔餅，似係台式蚵仔煎，有番薯粉所以令裡面黏黏口感有彈性，蠔肉新鮮。蠔餅本身亦煎得香脆可口，金黃色好靚💛蠔仔砂鍋粥🦪叫例牌已經勁大鍋😳裏面有十分多蠔仔肉！一啲都唔腥同埋好新鮮👍🏼砂鍋粥亦做到軟綿，冬天食暖笠笠嘅粥好正☺️清心丸綠豆爽真係好傳統嘅潮州甜品，清心丸口感爽滑，綠豆爽又清熱解膩。