影片
更多
2018-03-26
583 瀏覽
今日放左工就收到媽咪既msg話想食中菜，記得之前朋友介紹過呢間啲小菜幾特別，所以就決定食呢間！位置雖然難搵，但好在近叮叮站，落左車向後行就係啦！一去到門口感覺好特別，好有古代中式建築咁，頭頂有個大牌坊「壹玖捌叄」就係舖名，左右兩邊仲有對對聯，好有古式風格。然後上一層樓梯就去到食野既地方，環境唔錯，坐得好舒服，牆既四邊仲有啲歷史既相片。嗰日唔係好多人，可以靜靜地咁傾下計。一坐低，侍應就幫你開同摺餐巾，仲有遞上小食，真係好貼心！佢每檯都有部ipad for落單，但見有個狗年新春套餐優惠，兩個人都係$988，所以就試下～我地揀左套餐c，前菜就係薑汁陳醋雲耳同埋麻辣墨魚頭，好香麻辣味，每舊雲耳同墨魚頭都好入味😋～跟住就係螺頭燉湯，即製熱辣辣，湯味清甜，仲有大大舊螺頭，好足料！之後就係黑松露野菌蝦球，一上菜以為好普通，點知一咬完全估佢唔到，隻蝦又脆口又juicy，仲有啲菇伴碟，個汁夠濃但又唔會搶左隻蝦既鮮味，食完一隻，我同媽咪都忍唔住想食多件😆！下一道菜就係一口鮑魚豆腐伴金蠔大利，呢道餸好特別，乜都有啲～有鮑魚、豆腐、蠔，仲有豬脷！平時都唔敢食豬脷呢啲特別位置，今次一於大膽試下🙊，點知口感岩岩好
一去到門口感覺好特別，好有古代中式建築咁，頭頂有個大牌坊「壹玖捌叄」就係舖名，左右兩邊仲有對對聯，好有古式風格。
然後上一層樓梯就去到食野既地方，環境唔錯，坐得好舒服，牆既四邊仲有啲歷史既相片。嗰日唔係好多人，可以靜靜地咁傾下計。
一坐低，侍應就幫你開同摺餐巾，仲有遞上小食，真係好貼心！佢每檯都有部ipad for落單，但見有個狗年新春套餐優惠，兩個人都係$988，所以就試下～
我地揀左套餐c，
前菜就係薑汁陳醋雲耳同埋麻辣墨魚頭，好香麻辣味，每舊雲耳同墨魚頭都好入味😋～
薑汁陳醋雲耳同埋麻辣墨魚頭
43 瀏覽
0 讚好
0 留言
跟住就係螺頭燉湯，即製熱辣辣，湯味清甜，仲有大大舊螺頭，好足料！
螺頭燉湯
32 瀏覽
0 讚好
0 留言
之後就係黑松露野菌蝦球，一上菜以為好普通，點知一咬完全估佢唔到，隻蝦又脆口又juicy，仲有啲菇伴碟，個汁夠濃但又唔會搶左隻蝦既鮮味，食完一隻，我同媽咪都忍唔住想食多件😆！
黑松露野菌蝦球
43 瀏覽
0 讚好
0 留言
下一道菜就係一口鮑魚豆腐伴金蠔大利，呢道餸好特別，乜都有啲～有鮑魚、豆腐、蠔，仲有豬脷！平時都唔敢食豬脷呢啲特別位置，今次一於大膽試下🙊，點知口感岩岩好，唔會太滑又唔太韌。
一口鮑魚豆腐伴金蠔大利
36 瀏覽
0 讚好
0 留言
之後就係成晚最期待既兩道菜，其中一道就係京果陳醋咕嚕肉，同一般街外食既咕嚕肉唔同既就係個汁！出面食開可能好酸同埋炒到舊肉好乾身，但呢個就相反，甜甜地既汁加埋淡淡肉真係perfect match！
京果陳醋咕嚕肉
61 瀏覽
0 讚好
0 留言
而另一道就係櫻花蝦臘味糯米飯，放係個瓦煲入面蒸，好香臘腸味蝦味，最重要係啲飯好軟熟，好飽都想食多碗🤤！
櫻花蝦臘味糯米飯
44 瀏覽
0 讚好
0 留言
最後最後就係甜品！桃膠銀耳雪棗糖水同紫薯金沙球，成碗都係桃膠，充滿骨膠原好滋潤！
桃膠銀耳雪棗糖水
43 瀏覽
0 讚好
0 留言
而個金沙球設計幾特別，外皮係紫薯，內餡係奶黃，仲要流心。不過要慢慢食，因為奶黃好易會漏～
紫薯金沙球
49 瀏覽
0 讚好
0 留言
整體都十分滿意，侍應服務態度好又細心，每一道菜都係即時製，新鮮滾熱辣，一家人聚餐就岩晒！
張貼
