老陳麵檔

營業中

休息中

一直都知道上水有間車仔麵係好多人推介，今日終於有機會買外賣試吓。我都幾鍾意呢種裝修嘅感覺，懷舊得來又時尚，我哋叫咗三碗車仔麵同埋一個豬手加一個油菜返屋企食。第一碗係豬紅，蘿蔔，生菜，其實我都好耐冇食過我認為好食嘅豬紅，但我自己本人都係幾鍾意食嘅，所以今次要試吓。而呢間老陳嘅豬紅我真係覺得好味，蘿蔔鮮嫩得來係好鮮甜嘅。另一款係魚片頭加魚腐米線，片頭同魚腐都好彈牙，係新鮮好味，加埋佢個豬骨湯成個配搭係正嘅。第三款叫咗墨魚丸，豆卜同埋豬紅，呢碗屋企人都覺得豬紅好好味，同埋呢隻墨魚丸我哋都好鍾意食，不得不提下我哋豬骨湯再加腩汁咁嘅配搭令到米線特別好味，最後個豬手絕對唔會好油膩嘅感覺，好好味我哋大家都鍾意食。