影片
更多
2025-03-15
496 瀏覽
之前經過皇室堡嘅時候，見到呢間餐廳個門面有大吊燈同噴水池，覺得好靚，於是呢日就約埋一個同樣都好鍾意靚靚餐廳嘅朋友一齊嚟試一試。 好開心可以坐係噴水池隔離，瘋狂影左好多相，而且餐廳有好多花嘅佈置，真係好靚，枱面上亦都有擺花。 餐廳有二人餐，有兩款餐，一款主要食牛排，另一款係我地點嘅呢款，就係主要食海鮮，記憶中我同呢位朋友好似未試過一齊食海鮮拼盤，所以我地就揀左呢款。 招牌海鮮凍食拼盤生蠔好新鮮，肉質鮮甜。紐西蘭螯蝦，廚師已經去取大部份蝦殼，方便進食，第一次食呢款蝦，非常高質，肉質鮮甜，非常新鮮。翡翠螺口感彈牙，廚師已經去除左唔食得嘅肉臟。大綠青口真係非常大隻，有鮮味，很有驚喜。海蜆冇沙亦很新鮮。北海道刺身帶子仲會配埋三文魚子一齊食，口感很配搭。整體來說這個拼盤很高質，用料亦很新鮮。而且職員會主動遞上濕紙巾，非常細心。 是日餐湯是蘑菇湯，菇味很香，很濃郁，配上麵包一齊進食。 香煎鱈魚柳墨汁意大利飯香煎鱈魚柳煎得外皮香脆，魚很滑身，而且魚味香。意大利飯帶有墨汁的香味，意大利飯柔軟之餘帶有咬口，吸收了墨汁很滋味，亦很creamy。 大蒜蘑菇忌廉烤雞雞肉肉質鮮嫩多汁，份量都唔少，忌廉和雞很配搭，
好開心可以坐係噴水池隔離，瘋狂影左好多相，而且餐廳有好多花嘅佈置，真係好靚，枱面上亦都有擺花。
餐廳有二人餐，有兩款餐，一款主要食牛排，另一款係我地點嘅呢款，就係主要食海鮮，記憶中我同呢位朋友好似未試過一齊食海鮮拼盤，所以我地就揀左呢款。
招牌海鮮凍食拼盤
生蠔好新鮮，肉質鮮甜。紐西蘭螯蝦，廚師已經去取大部份蝦殼，方便進食，第一次食呢款蝦，非常高質，肉質鮮甜，非常新鮮。翡翠螺口感彈牙，廚師已經去除左唔食得嘅肉臟。大綠青口真係非常大隻，有鮮味，很有驚喜。海蜆冇沙亦很新鮮。北海道刺身帶子仲會配埋三文魚子一齊食，口感很配搭。整體來說這個拼盤很高質，用料亦很新鮮。而且職員會主動遞上濕紙巾，非常細心。
是日餐湯
是蘑菇湯，菇味很香，很濃郁，配上麵包一齊進食。
香煎鱈魚柳墨汁意大利飯
香煎鱈魚柳煎得外皮香脆，魚很滑身，而且魚味香。意大利飯帶有墨汁的香味，意大利飯柔軟之餘帶有咬口，吸收了墨汁很滋味，亦很creamy。
大蒜蘑菇忌廉烤雞
雞肉肉質鮮嫩多汁，份量都唔少，忌廉和雞很配搭，亦有蘑菇和薯仔作為配料，都很美味，亦可配上麵包點忌廉汁來吃，非常豐富。
呢間餐廳除咗裝修非常靚之外，食物質素亦都好高，而且侍應好有禮貌，而且座位與其他客人之間亦都有距離，唔會同隔離台太近，好適合約埋三五知己一齊黎食飯。
張貼
