昇隆石磨腸粉

營業中

休息中

平時都好少寫食評，但真係好鐘意尼間野。差唔多每隔幾日就食一次，水準一直都好穩定，腸粉超級薄滑，材料又係個朝新鮮準備。平時會鐘意叫豬肉加菜圃加菜，再佢既辣醬，更香，其實都只係31蚊，個人覺得幾抵，普通買杯台式飲品都分分鐘貴過佢，個人覺得性價比係幾好～ 平時當早餐食，份量係剛剛好。但有時餓得勁既時候，真係可能一份會唔夠食🤣，所以會2個人share 3碟腸粉 。如果要同其他石磨腸粉比，尼間價錢其實同岀面差唔多，但質素更更更好！另外佢重有得加蛋，其實都好食，個蛋香味都好夾，不過佢就會相對無咁薄滑。睇你重口感，定鐘意個蛋味。