巴辣仔烤魚雞煲 (加連威老道) (已結業)

身為心多嗜吃族，又想食烤魚又想食盆菜點做好？巴辣仔可能知道大家都有選擇困難症，破天荒推出全港獨創嘅四川烤魚盆菜，入面有足2斤厚肉沙巴龍躉🐟超級架勢呀真係🤪盆菜可以揀四川香辣味（有唔同辣度選擇）同老壇酸菜味，滿足不同要求，入面嘅材料亦唔係傳統盆菜以雞呀鴨呀為主；而係有唔同嘅海鮮：除咗有原條足2斤沙巴龍躉烤魚之外，更有彈牙原隻大連鮑魚、新鮮海蝦🦐嫩滑花膠、吸汁魚肚、急凍海參、豬手、水魷魚、雜丸、凍豆腐、鮮冬菇、蘿蔔角、芋頭、雞脾菇、秀珍菇、西蘭花，真係好豐富嘅呢✨巴辣仔對食材好有要求㗎，因為曾經去拜師學藝，務求用最地道嘅方法去炮製烤魚，所以個盆菜個汁一望就知十分正宗，我哋今次揀咗四川香辣味，見到好多辣椒同香料喺入面，唔怪得咁香濃好味，同回味無窮喇🤩特別推介凍豆腐同魚肚，吸晒啲辣汁，完全將盆菜登上新潮飲食殿堂～而且入面有平時食盆菜比較少見嘅材料，每次係底到夾到啲新嘢出嚟真係好似尋到寶咁開心😆