木子甜品

營業中

休息中

呢間糖水舖幫襯左七八年都有，因為佢又平又抵食，之前喺路德圍已經成日食，前幾年搬來大窩口，我都會特登走過來食，地方闊落左，坐得舒服，同埋佢啲芋圓真係好好食，又有口感，又好咬，平時食開綠茶雪泥芋圓，同仙草，都係廿零蚊大大碗，抵到爛！我哋想叫嘢食嗰陣，隔離枱問仲有冇小丸子，賣晒時勁失望，好似幾好食，見到餐牌都係十零蚊， 我下次就試吓！今次就試吓豆花同心太軟，綠茶雪泥豆花，雪泥唔錯，豆花都好味，配上‘煙煙銀銀’嘅芋圓，又唔太甜，大大碗都係廿零蚊，好抵！心太軟配雪糕，老闆娘話每日只有10分，但心太軟個皮淋得滯，雖然好流心，但係都扣少少分，如果整得好真係好抵食，都係$40！總括來講，呢間野又平又抵食坐得又舒服，感覺闊落唔迫，會繼續幫襯！