熱沙咖啡

營業中

休息中

今日去馬灣探朋友，朋友帶咗嚟食土耳其菜，餐廳唔大，但每個角落都花心思佈置，充滿土耳其風情，而且啲碟都是自家設計，非常精美。呢度除咗餐廳之外，仲有唔同嘅workshop，例如教整土耳其熱沙咖啡、整土耳其燈等。我哋叫咗土耳其烤雞飯、牛肉薄餅及兩杯特飲。另外，玩了土耳其熱沙咖啡workshop。#土耳其烤雞飯非常足料大份，有成半隻烤雞，烤得皮脆肉嫩，肉質非常之Juicy，加上特製嘅香料，非常好食。#牛肉薄餅薄餅有芝士、牛肉同車厘茄等蔬菜，牛肉本身用特製醬料醃過，非常惹味，加埋滿滿嘅芝士，非常滿足。#左手香雪條配檸檬左手香特飲佢哋嘅限定飲品，非常Fresh嘅一杯嘢飲，炎炎夏日，必試！#土耳其鴛鴦雪條拿鐵咖啡雪條同咖啡唔係好甜，鴛鴦配咖啡非常夾，而且非常清爽涼快。#土耳其熱沙咖啡 workshop 店員會教你整熱沙咖啡，仲可以着土耳其服裝整，一邊整咖啡一邊打卡，做完仲有證書，非常有趣體驗。而咖啡就非常之香濃，再配上土耳其糖，鍾意飲咖啡嘅人一定唔可以錯過。