其實之前食過已經覺得好味，所以寫了讚好的食評， 今次再次光臨感覺依然非常之好， 看見餐牌上也增添了 很多新款食物，而最吸引我的就是這裏的蕃茄湯底，使用大量新鮮蕃茄淆製而成。 上次來吃過一貝子和犇犇有禮。 今次點了豚豚圓圓$58（ 選了上海麵加炒滑蛋$5）， 因為犇犇有禮$78 （ 日式拉麵加芝士$5）實在太好味了，所以今次又再食過， 見到餐牌上有新款小食秘製沙嗲牛柏葉$28，飲品點了檸檬雪梨露$18和亞答子柚子茶$18。
犇犇有禮 ～食材用牛面頰，牛坑腩，崩沙腩再加新鮮蕃茄濃湯， 聽聞舖頭每日用30斤蕃茄和30斤牛骨牛腩淆湯的， 食材非常新鮮，唔會用冰鮮牛肉，搵了香港最強牛肉買手 (牛王莫)取新鮮牯牛肉做餸。 蕃茄湯底真係好足料， 每一啖湯都食到佢滿滿的蕃茄蓉。 今次跟上次一樣都是選擇了拉麵， 麵的質地彈口煙韌， 一食落口就知道係高質拉麵，牛腩類有好重的牛味香味四溢！ 今次加了芝士， 雖然很邪惡， 但芝士香味令到整碗麵的味道升上另一個層次，更加濃郁入味。
豚豚圓圓～ 厚切大塊豚肉， 半肥瘦啖啖肉。 還有豬頸肉爽口入味！ 今次選了上海麵加炒滑蛋， 喜歡上海麵的質地軟身有咬口， 還有蕃茄加滑蛋真是一個絕配。
秘製沙嗲牛柏葉～ 餐牌上有新款小食，當然一定要試下， 牛柏葉爽口彈牙， 燜得非常入味。
檸檬雪梨露 ～ 上次已經飲過，有豐富的雪梨蓉，入口清新唔太甜，消暑解渴又滋潤。
亞答子柚子茶 ～ 加了亞答子的柚子茶， 味道清香不太甜， 健康飲品永遠都是老少咸宜的。
店舖環境雖然不是太大，但店主用心經營， 不論傢俬，擺設和食具都給客人有色彩繽紛的感覺， 餐牌上食物的名字都相當有意思。食物方面全部用新鮮食材， 連飲品都可以看得出是自家製用心做出來的。
