十二味 (荃灣千色匯I)

營業中

休息中

十二味都好多分店，之前試過毛血旺好惹味，今次黎到想試吓其他，見酸菜魚都幾多人食，一於就試下！叫咗個酸菜魚（$248)，依個係二人份量，有得揀唔辣，就算唔辣湯底都好濃郁，酸度鹹度岩岩好，加埋最佳拍檔粉條($28)，吸哂湯底入味又煙韌。個魚切得好薄，滑得黎都無腥味。入面仲有埋萵筍同菇，特別鐘意個萵筍好爽口！另外仲叫左燒椒皮蛋($53)，微辣，先麻後甜甜地，入口柔軟而且涼浸浸幾開胃。依到仲有烤魚呀香鍋咁，選擇好豐富。