鰹烏冬 (駱駝漆大廈第三座)

營業中

休息中

今日約咗朋友去觀塘，跟住就去咗駱駝漆大廈度搵食。行行吓發覺有一間食烏冬麵嘅睇落好似幾出名，跟住就入咗去試。我同朋友各嗌咗一個烏冬餐，我嗌左個半湯烏冬連骨付雞，我朋友都嗌咗個金菇肥牛湯烏冬。首先就講吓個骨付雞先，佢係用蒜頭嚟煎香佢嘅。未食之前已經聞到陣陣嘅蒜香味啦，當切完舊骨付雞擺落口，發覺非常之Juice同埋好濃嘅蒜香味呀，怪唔之得差唔多每台嘅食客都有嗌呢一味骨付雞啦。至於個湯烏冬嘅湯底非常之清甜，烏冬亦都煙韌彈牙。 唯一覺得呢一餐有點美中不足嘅就係個金菇肥牛啲金菇非常之多，一大著咁包落去肥牛入邊，如果唔係好好金菇嘅話就會覺得呢味餸麻麻哋啦。