莆田 (PopCorn 2)

營業中

休息中

蒲田位於將軍澳商場popcorn，裝修以簡約典雅，環境光猛明亮，坐位寬敞，坐得舒服。餐廳是主打福建閩菜的中餐館。近期主打大閘蟹盛宴。服務員招呼到位。蒲田大閘蟹季節精選清蒸大閘蟹，蟹公開蓋睇到橙黃色豐滿的蟹膏，入口绵滑，蟹肉以鮫結實鮮甜；蟹母開蓋睇到鮮紅色爆滿的蟹膏，食落好似鹹蛋黃香味，蟹肉一樣鮮甜美味。食完大閘蟹服務員隨即奉上薑茶驅寒。蒲田扁肉湯湯內有八粒福建手工雲吞、香蔥、紫菜和香茜，入口清爽香甜。特色小菜家鄉燜筍乾 - - 有汁泡著，不乾身，筍乾燜到好腍。鹵水豆腐 - - 食落好嫩滑。蝦苗頭水紫菜 - - 紫菜係每年第一水的製成品，用醋調味，酸酸地好醒胃。福建海鮮滷麵有海蜆、海蝦、冬菇、蟶子、瑤柱和青菜，材料豐富，滷麵麵身幼滑，每條麵都掛滿海鮮湯汁。