影片
更多
2022-11-07
214 瀏覽
上個月生日，我阿妹就幫我book咗呢間餐廳食，慶祝生日。山長水遠嚟到鰂魚涌，唔係好識路，喺商場度行吓行吓，終於搵到個電梯位上去，一上到去好似離開咗香港咁，好有外國嘅氣氛，感覺好歡樂。而且入口位原來係連接左三間餐廳，除咗我呢間西餐之外，仲有另外兩間喺走廊嘅盡頭。由於我哋一行六個人，職員就帶我地坐左個角落，成個區域有啲豹紋牆做裝飾，好有復古嘅感覺。我哋睇完餐牌之後，分別有兩個lunch set，我哋嗌咗3個左邊嘅298 set，兩個右邊嘅388 set試吓。Prosciutto E Melone 呢個係火腿加蜜瓜，我唔食的，不過佢地話好食Burrata Classica 係水牛芝士拌番茄，好正我好鐘意呢個，2樣都係我鐘意食既。Tartare Di Tonno 係牛肉他他，味道唔錯，不過我塊牛有小小筋主菜我嗌左Tagliata Di Manzo, 係香煎和牛扒，我哋幾個都嗌咗五成熟，味道唔錯油脂感唔會太重，配埋火箭菜解膩。我阿媽仲嗌咗碟意粉，不過佢話啲自家意粉質感太淋，唔係幾好食。全餐飯最吸引嘅竟然係我仔個兒童餐，係炸魷魚配炸薯條，有蛋黃醬同果汁一杯，魷魚好淋好易咬開，又炸得幾惹味又鹹香。而
由於我哋一行六個人，職員就帶我地坐左個角落，成個區域有啲豹紋牆做裝飾，好有復古嘅感覺。
我哋睇完餐牌之後，分別有兩個lunch set，我哋嗌咗3個左邊嘅298 set，兩個右邊嘅388 set試吓。
Prosciutto E Melone 呢個係火腿加蜜瓜，我唔食的，不過佢地話好食
Burrata Classica 係水牛芝士拌番茄，好正我好鐘意呢個，2樣都係我鐘意食既。
Tartare Di Tonno 係牛肉他他，味道唔錯，不過我塊牛有小小筋
主菜我嗌左Tagliata Di Manzo, 係香煎和牛扒，我哋幾個都嗌咗五成熟，味道唔錯油脂感唔會太重，配埋火箭菜解膩。
我阿媽仲嗌咗碟意粉，不過佢話啲自家意粉質感太淋，唔係幾好食。
全餐飯最吸引嘅竟然係我仔個兒童餐，係炸魷魚配炸薯條，有蛋黃醬同果汁一杯，魷魚好淋好易咬開，又炸得幾惹味又鹹香。
而甜品，我哋一致都嗌咗開心果奶凍配紅莓雪糕，勁好味，我到而家都諗緊個開心果奶凍!
而上甜品果一刻，店員知我生日，就一直唱住外語嘅生日歌，仲送咗即影即有相，好難忘！
呢間餐廳嘅氣氛真係唔錯，但對我來講有啲遠，如果下次去開或者都會再去食嘅。
張貼
