李家 (海壩街)

營業中

休息中

一家人去食李家，因為近屋企的原故，已經經常到林李家開餐。餐單選擇真的好多，怕熱氣又可以點麵條，年糕，炒麵，基本大眾的韓國菜式都有。這裡的oppa 都非常親切。 今次第一次食蜂蜜大蒜炸雞 $113（半），蜜糖汁好多，還有好多粒炸大蒜，真係啱晒唔食辣既人，甜甜地，雞肉又多汁。加平時常點的青辣椒蛋黃醬炸雞$118，都係叫無骨既。啖啖肉。洋蔥絲夾埋炸雞一齊食，去除油膩感 。雞泡魚乾 $98 揸車冇得飲酒，送汽水都一樣咁過癮，仲有脆卜卜花生。有小朋友都一樣啱食，清清地叫咗韓式烏冬 ，同埋一個辛辣麵。服務員有禮貌又快手，所以我地成日幫襯。