馬六

營業中

休息中

由於自己一直都唔係好喜歡星馬越台嘅食物，只會偶然食下，所以一直都無食過馬六，直至男友話食過覺得唔錯，推介比我🙂。星期五晚上近7點唔駛等位可以直入，埋位途中目測在場唔少人士食海南雞，所以我地都點左個套餐。🤔無骨海南雞飯套餐 $92跟餐仲有個紫菜湯，但個湯同個雞油飯都好鹹😥，建議大家如果真係食呢個餐，記得飲番1L水。海南雞有少許雞味同啫哩，三個醬汁調得麻麻，點左反而連果少少雞味都無埋。雞肉串燒雞肉好乾但唔硬，醬汁好濃香料味但唔鹹。厚切豬扒喇沙摻摻 $68呢個麵賣相吸引又大碗，豬扒算大塊，而且真係夠厚，肉質鬆軟，醃得好入味，而且炸出嚟個邊位仲有少少脆，全餐最好食就係呢塊豬扒😋。喇沙湯底好濃椰味；麵底好多，食完都夠飽。餐廳無加一，只收現金或八達通。