御來光茶社 (已結業)

本來 心情麻麻地 。一講開食甜品,心情即刻開心。朋友仔就推介喺土瓜灣啟岸有間高質素嘅甜品,一於買嚟試下。舖頭入面有座位可以堂食,見到餐牌有好多選擇,各款蛋糕及台式飲料,價錢都幾親民。✨紫薯芝士奶蓋顏色好靚,食材新鮮,加咗紫薯粒和紫薯蓉,上層有濃香嘅芝士味,入口有奶蓋嘅質感,紫薯控必飲。✨咖啡芝士奶蓋咖啡又香又濃,先用飲管攪勻,就會有柔軟芝士鹹香味,口感順滑。✨藍莓鬆餅鬆餅焗得鬆脆可口,加咗滿滿嘅藍莓蓉,健康又美味。✨抹茶紅豆芝士蛋糕賣相好靚,紅豆軟糯,香濃的抹茶味,每一口都嚐到濃郁芝士味道,配上消化餅底,食完個人都開心曬。御來光茶社土瓜灣馬頭圍道63號啟岸地下17號舖