影片
更多
2022-04-10
2433 瀏覽
出咗消費券，疫情緩和番少少，梗係要周圍食下。深水埗一日遊，搜尋特色美食及咖啡。午餐到呢間富有特色的南洋餐廳，淨係經過見到個門口都想探頭入去八卦一下，更何況美食雲集，今次要食呢度好出名嘅肉骨茶同砂煲老鼠粉。砂煲老鼠粉佢有砂鍋煲或者一碗上，但同朋友覺得砂鍋煲用火一邊熱住唔使凍哂，又有隻流心蛋黃開心好多，就要一大煲。你睇下，原來「老鼠粉」其實係銀針粉，將隻流心蛋攪拌同老鼠粉仲有其它蔥粒、辣椒粒配料搞埋一齊，原來裡邊有好多一條條嘅銀魚仔同埋肉碎粒，食落去慢慢會食到一種銀魚仔嘅鹹香味，仲有辣味會慢慢滲透出來，加上佢地嘅調味料，其實都幾惹味，而且銀針粉幾乾身爽彈，唔經唔覺食下食下就係咁番咗2碗。肉骨茶(三層肉)最主要嘅目的，就係想試佢嘅肉骨茶其實佢原本都有好多唔同材料嘅肉骨茶可以選擇，有雞腳,有一字骨，唔食肉食素嘅都有佢哋嘅肉骨茶主要喺藥材湯底，賣飛佛湯色及味道比較濃厚，絕對係覺得落足料煲嘅，飲落口會覺得比聞起上嚟嘅藥材味冇咁重，容易入口多啲。呢度嘅重點，好似話你飲完嘅肉骨茶都可以無限添飲，不過我已經一個人飲左兩碗啊，要留番個肚飲咖啡同食咖央多士咖央多士望到都知道佢脆卜卜，多士緊係要烘到少少燶先好
午餐到呢間富有特色的南洋餐廳，淨係經過見到個門口都想探頭入去八卦一下，更何況美食雲集，今次要食呢度好出名嘅肉骨茶同砂煲老鼠粉。
砂煲老鼠粉
佢有砂鍋煲或者一碗上，但同朋友覺得砂鍋煲用火一邊熱住唔使凍哂，又有隻流心蛋黃開心好多，就要一大煲。
砂煲老鼠粉
64 瀏覽
0 讚好
0 留言
你睇下，原來「老鼠粉」其實係銀針粉，將隻流心蛋攪拌同老鼠粉仲有其它蔥粒、辣椒粒配料搞埋一齊，原來裡邊有好多一條條嘅銀魚仔同埋肉碎粒，食落去慢慢會食到一種銀魚仔嘅鹹香味，仲有辣味會慢慢滲透出來，加上佢地嘅調味料，其實都幾惹味，而且銀針粉幾乾身爽彈，唔經唔覺食下食下就係咁番咗2碗。
肉骨茶(三層肉)
肉骨茶(三層肉)
40 瀏覽
0 讚好
0 留言
最主要嘅目的，就係想試佢嘅肉骨茶其實佢原本都有好多唔同材料嘅肉骨茶可以選擇，有雞腳,有一字骨，唔食肉食素嘅都有
佢哋嘅肉骨茶主要喺藥材湯底，賣飛佛湯色及味道比較濃厚，絕對係覺得落足料煲嘅，飲落口會覺得比聞起上嚟嘅藥材味冇咁重，容易入口多啲。呢度嘅重點，好似話你飲完嘅肉骨茶都可以無限添飲，不過我已經一個人飲左兩碗啊，要留番個肚飲咖啡同食咖央多士
33 瀏覽
0 讚好
0 留言
咖央多士
32 瀏覽
0 讚好
0 留言
咖央多士
望到都知道佢脆卜卜，多士緊係要烘到少少燶先好食丫嘛，係咪咁話先？
佢裡邊嘅咖央醬，厚到好似放左塊牛油落去咁唔會太甜，而且有好香嘅椰香味。佢哩個甜味配埋佢杯茶啡滲或者咖啡簡直一流。
茶啡滲
22 瀏覽
0 讚好
0 留言
茶啡滲喺香港嘅奶茶溝咖啡
南洋嘅咖啡同拉茶溝出來嘅鴛鴦，確實係同香港茶記嗰啲好唔同味道，味道真係比較傾向茶香甘香啲嘅，仲有南洋嘅咖啡係比較濃厚，所以整體黎講苦澀味會比香港茶記嘅突出少少，但又唔會好苦。
我個朋友話佢鍾意杯咖啡多啲，我有飲過一啖，真係比較濃厚甘香架喎，真係配咖央多士一流。
張貼
