篤篤船麵 (V Walk)

營業中

休息中

餐廳主打多款泰國美食，包括船麵、金邊粉、海南雞飯、泰式青、黃咖喱、泰式小食及沙律。蒜蓉包：烘得香脆，搽滿蒜蓉醬，好食到停唔到口。泰式蝦餅：外層炸到金黃鬆脆，蝦肉Q彈，配泰式甜酸醬，滋味在心頭。酸辣鳳爪沙律：鳳爪去晒骨啖啖肉，配酸酸辣辣醬汁，多重口感刺激味蕾。豬頸肉撈金邊粉：豬頸肉帶微微焦香既味道，肉質軟嫩；金邊粉炒得好夠鑊氣，加左酸蕎頭，非常開胃。泰式豬手飯：泰式豬手炆得好軟腍，帶少許豬皮，充滿骨膠原，配秘製酸汁、酸菜、滷水蛋，實在太豐富。芒果糯米飯：糯米飯軟糯，配香甜芒果和濃郁椰漿，咸咸甜甜既口感，讓人一試難忘。凍泰式奶茶：沖泡比例剛剛好，茶味香濃。青檸梳打：泰式梳打水，帶來涼快口感。總結，食物好出色，好有地道泰國風味，店員有禮貌，價錢親民，翻桌率高。