南山白汁冰

營業中

休息中

今日早咗，4點幾經過見到好多學生食緊，就去另一邊食晚餐炒小菜炸豬手先，食到好熱氣，出嚟食返個白汁冰，好彩都冇人排，即刻買返個白汁芒果汁西米 有埋芒果肉。拎到返屋企都仲凍，個底好多一片片嘅碎冰，應該就係白汁冰，食落好得意仲好夠凍，係芒果汁唔夠多，爭少少芒果味，芒果粒唔夠熟，都比較淡口，唔使排隊食一次都OK。不過好奇怪，買嘢嘅老闆無論男女都好唔願做咁，其實又冇人排隊又唔忙，點解面口會咁嘅！食甜品我都係想開心😊順便排埋隔離雞蛋仔，排成日10幾人，聞到嘅味好香，但係食入口就只係正正常常，但係老闆娘就好健談，話好攰好辛苦，就算好忙都不忘招呼同熟客傾計，我呢啲生口面佢都傾兩句。專業！