協奏坊西餐廳

營業中

休息中

同媽子係銅鑼灣行街就帶佢黎食lunch buffet孝敬下佢，餐廳形式係半自助餐，環境頗有格調，一出𨋢就見到唔同既熟食，例如串燒、炸雞、蒜蓉炒西蘭花、新鮮煲滾嘅青紅蘿蔔煲豬骨湯，燉湯非常好飲，返工咁忙好耐冇飲過屋企湯水，十分滋潤清甜，右手邊則係水果甜品，佢哋竟然有朱古力噴泉，超開心，我同媽子都好鍾意食，至於主菜我點咗燒豬鞍扒配露絲瑪莉汁，盛惠168，原塊豬鞍肉質嫩滑，好容易就切得開，裏面燒得粉嫩色，賣相一流，加上露絲瑪莉汁酸酸甜甜，媽子就加78蚊點左紅咖喱龍蝦尾配飯，因為佢好中意食咖哩，第一次食辣勁同甜到平衡得恰好，咖喱汁十分惹味而且香料好多，撈飯真係好食，龍蝦味原條啖啖肉上，廚師開埋邊等我地好容易就原舊龍蝦肉扯出黎食，好juicy!🤙🤙