Mojo Bistro

營業中

休息中

今次去左中環Soho區搵野食，仲記得以前去The Steps ‧ H Code都係飲酒多，今次上左去食西餐～有多款經典西式菜餚。好鐘意佢的復古風情裝潢，好適合慶祝生日/約會🍾-自家特調白酒忌廉汁藍青口配薯條及黑糖麥包🫕藍青口新鮮多汁，底下仲有蠟燭保持溫度！自家特調的白酒忌廉汁雖然唔係cream狀，但反而令我忍唔住用匙羹飲左幾啖😂 而黑糖麥包同連鎖店果間差唔多味，點汁食一流！-炸薯條配黑松露蛋黃醬🍟無留意原來青口本身有薯條🥲不過都冇後悔松露的獨特香氣加上蛋黃醬的濃郁，提升了薯條的風味-番茄羅勒意粉配低溫慢煮雞胸🍝餐廳每日都有一款食品是半價～當日我星期四去，半價完之後好抵！低溫慢煮的雞胸保持了肉質的嫩滑，而意粉比較煙靭同酸甜，係我最近食過覺得最好食既意粉！-法式油封鴨腿配黑松露薯蓉🪿油封鴨腿外皮酥脆，肉質嫩滑好入味！好似鴨腿湯飯的腿好易就咬得開！而我未食過黑松露薯蓉，好重黑松露味而且滑順如絲。