和田便當 (已結業)

金鐘中午時間都有好多人，商場有好多食店但食物價位都偏貴。最後決定去海富中心覓食，呢到都有好多選擇。見到呢間舖好特別，有幾部「便當機」同一部機放飲品，另外仲有一位職員係旁邊協助。「便當機」有個大螢幕可以揀飯盒，一共有五款，每款都幾吸引，重點係價位十分相宜！見到有啲機既飯盒已經sold out，最後我去左另一部機揀左新餐肉雜炒沖繩苦瓜便當😆原本只係貪得意想試下，但原來份量都唔少。苦瓜幾厚肉多汁，完全唔會老亦無渣；餐肉唔係平時食開既午餐肉，會食到有一條條肉絲，味道亦唔會太鹹；配菜有玉子、紫椰菜同番茄仔等，玉子甜甜地，紫椰菜醃製過有啲酸，感覺更開胃😋便當整體味道都唔錯，最抵讚係便當依然保持溫度。便當入面其實有醬汁，但包裝得好好，所以滴水不漏，仲附送一對筷子，好貼心。