牛屋餐廳

營業中

休息中

Set Lunch 有牛油餐包，餐湯，主食，冷熱餐飲+$3。蒜蓉雞扒（$48）凍檸檬茶（+$3）餐包室溫。粟米忌廉湯夠哂'傑'身，最啱點餐包一齊食，頗多粟米粒。主食可以配白飯、意粉、薯菜、淨菜，要咗薯菜。薯條份量足，夠熱，外微脆裡面粉，再加幾片沙律菜。雞扒煎得唔錯，表面雞皮香脆，內裡肉質嫩，而且仍有肉汁。蒜蓉汁夠味。白汁牛脷焗意粉（$68）凍檸檬茶（+$3）羅宋湯係港式西餐嘅傳統味道，少甜帶酸，適量蔬菜。大約十數分鐘上枱。白汁及芝士味道可以，但略嫌唔夠，撈唔哂成碟意粉。意粉份量多，普通白烚，但勝在口感好，唔會糊身及有咬口。牛脷有三片，尚算厚切，口感偏腍，味道可以。午市時段滿座，所以坐得有些侷促。另外因為吧枱內有半開放式廚房，所以餐廳內會有油煙味。午市沒有加一服務費。