影片
更多
2016-03-02
1316 瀏覽
喺灣仔返工，已經黎過passion唔知幾多次嘅我，終於我的起心肝寫下食評。不過今次唔會寫甜品，因為今日冇食如果lunch想飲杯好嘅咖啡，又唔想食太多嘢，通常我會黎passion, 食個沙津加杯latte 或者 cappuccino, 大概消費係100蚊，抵唔抵，見仁見智啦。當你想食沙津又想要好多唔同款嘅時候，呢個係唔錯嘅選擇。但weekday要黎，最好12.15pm前到，如果唔係9成冇位，間餐廳只可以容納大概30人。二人枱印象中得3，4張。沙津有分大細portion,本人嘅食量係一定要大，大嘅可以揀4款，細嘅只可以揀3款。呢度嘅沙津算係比較飽肚，有薯仔，蝴蝶粉，蔬菜，紅菜頭等等，成日食都唔會厭，因為材料夠新鮮，你會食到每樣蔬菜都好爽口，醬汁調得非常適中，唔會偏酸偏咸，至少自己感覺很健康至於咖啡，唔使講都知質素好高，話哂係法國人開，唔止咖啡豆靚，每一次拉花仲落足心機，喺工作壓力大嘅時候黎歎返杯咖啡，見到個拉花，連條氣都順埋😃不過精髓可能係隨咖啡附送嘅餅乾，超好吃，我嘅習慣係會yum一yum咖啡泡再放入口，會有意想不到嘅效果。灣仔嘅茶記，差唔多都要6，70蚊左右，如果比多30蚊有咁嘅食物質
如果lunch想飲杯好嘅咖啡，又唔想食太多嘢，通常我會黎passion, 食個沙津加杯latte 或者 cappuccino, 大概消費係100蚊，抵唔抵，見仁見智啦。當你想食沙津又想要好多唔同款嘅時候，呢個係唔錯嘅選擇。
但weekday要黎，最好12.15pm前到，如果唔係9成冇位，間餐廳只可以容納大概30人。二人枱印象中得3，4張。
沙津有分大細portion,本人嘅食量係一定要大，大嘅可以揀4款，細嘅只可以揀3款。呢度嘅沙津算係比較飽肚，有薯仔，蝴蝶粉，蔬菜，紅菜頭等等，成日食都唔會厭，因為材料夠新鮮，你會食到每樣蔬菜都好爽口，醬汁調得非常適中，唔會偏酸偏咸，至少自己感覺很健康至於咖啡，唔使講都知質素好高，話哂係法國人開，唔止咖啡豆靚，每一次拉花仲落足心機，喺工作壓力大嘅時候黎歎返杯咖啡，見到個拉花，連條氣都順埋😃不過精髓可能係隨咖啡附送嘅餅乾，超好吃，我嘅習慣係會yum一yum咖啡泡再放入口，會有意想不到嘅效果。灣仔嘅茶記，差唔多都要6，70蚊左右，如果比多30蚊有咁嘅食物質素，一星期一次都唔係好過份，又可以當清下腸胃，再豪d,就食多件甜品，大概50蚊，但每款都會令你有驚喜，唔會比高級西餐廳遜色。黎緊隔離利東街會有間大嘅分店開張，見到仲裝修緊，但就唔知會close左呢間搬過去定係再多一間分店，下次寫甜品時再update下。
張貼