囍運冰室 (淘大商場2期)

營業中

休息中

純粹行經牛頭角道，貪方便去嘅餐廳。正正午市1點幾，所以入面都滿哂座，等咗陣，望到正門右側賣麵包嘅玻璃櫃俾太陽西斜晒住，唔知有冇影響啲包嘅質素喇。4人卡座每邊2大人坐就會有啲膊頭掂膊頭。燒鵝拼油雞飯個賣相又唔差喎，係啲鵝肥膏偏厚，不過幾重油香味。跟餐個羅宋湯就預料中嘅罐頭湯質感。另外散嗌公司三文治以及炸雞脾伴薯皇，公司治啲餡料都算貼邊，齊哂餐肉、生菜、蕃茄、芝士、火腿、炒蛋。炸雞脾屬合格指標，唔乾唔juicy。之前係「囍囍冰室」，再之前係「囍X冰室」，依家叫「囍運冰室」，唔知三者有冇關係。