都市樂

營業中

休息中

小店位於紅磡嘅一條巷仔內，由韓國人朴媽媽主理，堅持每日手工製作，提供多款經典主菜同fusion 菜式，每一道都充滿濃濃嘅韓國風情，店內環境唔大，食物價格合理，經過可以一試。先送上韓式前菜，泡菜、菠菜、芽菜等，每日款式唔同，新鮮又開胃🤤 店員推介Nagasaki Style Jjamppong Noodle，有辣有唔辣，豬骨濃湯麵，烏冬偏軟，入口滑溜，掛滿湯底，清甜可口😊Grilled Marinated Chicken with Rice，採用自家製醃肉醬油加入雪梨，洋蔥等蔬果，果糖帶天然甜味、果酸有助軟化肉質，雞肉嫩滑又多汁，肥瘦均勻，唔油膩，健康又美味🐔Fusion菜式有Jjajang Black Pasta，香甜濃郁嘅炸醬，混合粒粒豬肉，鹹甜口味，麵條軟硬度適中，我哋仲將剩返嘅醬汁撈白飯，好正好好味😂小食方面大大力推介Spring Onion Pancakes，三小片，散發著淡淡嘅香蔥味，咬落軟糯，外層脆身，而且完全唔油，點埋醬汁啱啱好。