1
今日食正宗招牌🌟康熙花膠雞湯鍋，一大塊花膠救命🆘超吸引，剪開加落湯度煲滾飲得！豪到！香濃花膠雞湯🐤夠曬爽，花膠多到傻左，半熟雞件淥一淥就可以食，肉質嫩滑，淨食湯底都值🤗手切本地牛頸脊(細)，油脂紋靚，仙氣飄飄，肉質幾唔錯，牛味都好夠👍🏻
滾得囍宮廷餃子拼盤，五款餃子各兩隻，可以試唔同味😎菜苗帶子餃同和牛餃非常好味，高質，韮菜餃都爆汁🥹黃金雙拼(即炸響鈴及炸魚皮)，新鮮炸起，香到爆，咸蛋黃味好濃💕淥⼀淥即食都好濃香，手打珍珠帶子墨魚丸，彈到可以打乒乓波🏓入面有粒帶子，好鮮味既手打丸😋雜菜拼盤，加埋濃湯食⼀流🥳
湯底湯料都好有質素，對得住價錢有餘，加埋廚藝同特色，性價比爆燈💡滾得囍！貴得起！食得喜😝
