影片
更多
2023-04-07
42 瀏覽
水門雞飯而家開咗幾間分店，但係今日第一次去試，地點唔喺銅鑼灣鬧市中心，反而揀咗喺利舞臺嘅後邊，人流唔會太多，但係靜中帶旺。六點幾去到，好彩仲未需要排隊，但係已經坐咗七八成人，都算幾旺場。用電話落單嘅，叫左：水門雙拼雞飯($56): 係水門雞拼炸雞，會有埋雞湯跟餐。分量望上去唔算太多，但係同行男伴都覺得啱啱好，上第一題電子落單嘅時候可以揀少飯或者多飯。炸雞即炸嘅，炸漿算薄，食落去都多汁。招牌水門雞當然出色，雞皮薄之餘雞肉都好嫩滑。配埋雞醬，感覺辣辣地更加惹味。香葉辣肉碎煎蛋飯($62): 同樣都係可以自選辣度，自己揀咗小辣同埋全熟蛋。識落真係剛剛好，又唔會冇辣味，反而少少辣更加惹味，自己好鍾意呢一種泰式辣。全熟蛋點雞醬幾好食，配埋油飯就更加邪惡啦。雞肉串燒/豬肉串燒($14@): 要叫三串以上，可以百搭嘅。攤銷未配埋沙嗲醬真係永恆嘅配搭，冇得輸。一串大概有四舊左右，可以接受。韭菜花($36): 食咗好多味道重嘅嘢，所以想叫啲清清地嘅咁啱見到有韭菜花，所以就即刻嗌咗，相比起其他菜類應該比較健康，而且份量好多！簡單用豉油調味就可以。韭菜花好亂，唔會食到有骨。香茅特飲($20): 同其他餸一樣
用電話落單嘅，叫左：
水門雙拼雞飯($56): 係水門雞拼炸雞，會有埋雞湯跟餐。分量望上去唔算太多，但係同行男伴都覺得啱啱好，上第一題電子落單嘅時候可以揀少飯或者多飯。炸雞即炸嘅，炸漿算薄，食落去都多汁。招牌水門雞當然出色，雞皮薄之餘雞肉都好嫩滑。配埋雞醬，感覺辣辣地更加惹味。
香葉辣肉碎煎蛋飯($62): 同樣都係可以自選辣度，自己揀咗小辣同埋全熟蛋。識落真係剛剛好，又唔會冇辣味，反而少少辣更加惹味，自己好鍾意呢一種泰式辣。全熟蛋點雞醬幾好食，配埋油飯就更加邪惡啦。
雞肉串燒/豬肉串燒($14@): 要叫三串以上，可以百搭嘅。攤銷未配埋沙嗲醬真係永恆嘅配搭，冇得輸。一串大概有四舊左右，可以接受。
韭菜花($36): 食咗好多味道重嘅嘢，所以想叫啲清清地嘅咁啱見到有韭菜花，所以就即刻嗌咗，相比起其他菜類應該比較健康，而且份量好多！簡單用豉油調味就可以。韭菜花好亂，唔會食到有骨。
香茅特飲($20): 同其他餸一樣，都可以自己配搭嘅，所以自己叫咗走冰。雖然飲品入邊有一支香茅，但係飲落去感覺似好濃嘅青檸水多過香茅特飲，可能真係要有啲冰去中和返嗰個濃度。
蘋果雪梨水($22): 有啲南北杏喺上面，飲落去唔算好甜，夠晒滋潤。
總結：裝修好有泰式感覺，而且今次選擇坐咗近窗口嘅bar枱，用咗鐵枱同埋自助餐具，感覺都幾正宗。而且嘢食都有返一定水準，定價唔算太過進取。絕對可以一試。
張貼
