반찬앤쿡 Banchan and Cook (太古城中心)

營業中

休息中

今日去咗太古城一間專食蛋包飯嘅韓國餐廳食飯，佢成間舖頭行文青乾花風格，仲成日都有好多人排隊食。我哋叫咗泡菜五花肉蛋包飯，一嚟到個蛋包飯係一個好smooth動L動L嘅雞蛋，切開之後會好似瀑布咁流落嚟，食落啲蛋都好嫩滑。下面包住嘅係珍珠米炒飯。個泡菜五花肉都好得意，係一大舊泡菜包住好多五花肉一齊燉煮，泡菜唔會太辣又惹味，五花肉煮到好腍。豬手沙律充滿骨膠原，好Q彈，沙律入面有西柚我鐘意。炸雞皮脆熱辣辣。烤棉花糖下面有啲crumble，烤到超脆。佢啲飲品全部都好似韓國cafe嘅一樣咁靚，濟州綠茶鮮奶飲落唔係日式個隻，似係濟州飲過個隻。無花果梳打好refreshing。