越粵棧

營業中

休息中

餐廳環境係好有歷史既感覺，全單免加一，但每位員工對所有客人既服務都係一百分，價錢同食物份量亦都係一百分。雖然有個越字，但佢地既餐牌選擇非常之多，如果一大班人黎食，絕對抵食同一定可以食到好多唔款。大大大推~霸王鮮魷 ❤ 必點 鮮魷夠新鮮爽口彈牙，份量非常之多，底下有炒香過既芽菜，食起黎唔會有草味，仲有清爽既口感，而且本身仲有蒸魚豉油係底，鮮味十足。蒜蓉炒通菜 ❤ 一D都唔油膩，通菜唔會炒得過老，蒜蓉好香口，大大碟!臘味芥蘭 ❤ 有臘腸同臘肉，勁香，食十碗飯都冇問題~! 小小油，但真係好香口，芥蘭爽甜零苦味，正~西蘭花炒斑球 ❤ 斑球份量正常，走過油，所以食起黎外小脆入面勁軟嫩!!! 唔係一般果D魚柳黎。孜然雞翼 ❤ 孜然如果可以再濃味D就更好了，炸得香脆勁可口，會忍唔住食完一隻又一隻...